الصفحة دي دليل لمدرسين ومنصات بيشرحوا مواد الثانوية والبكالوريا، بروابطهم الرسمية بس. الهدف إنك توصل للمصدر الصح من غير ما تتوه بين صفحات وجروبات منقولة.
الدليل حسب المادة
اللغة العربية
مادة مشتركة في كل مسارات البكالوريا
| المدرّس | المصادر الرسمية |
|---|---|
| رضا الفاروق | الموقع الرسمي |
التاريخ
مادة مشتركة في كل مسارات البكالوريا
| المدرّس | المصادر الرسمية |
|---|---|
| محمد طلبة | قناة يوتيوب · تيك توك |
الكيمياء
مادة اختيارية في مسار الهندسة وعلوم الحاسب
| المدرّس | المصادر الرسمية |
|---|---|
| محمد عبد الجواد | قناة يوتيوب |
| خالد صقر | الموقع الرسمي |
| محمد عبد المعطي | منصة معطي الكيمياء |
الدليل في بدايته وبيتوسّع. لو مدرّسك مش موجود، ابعتلنا لينكه الرسمي وهنضيفه بعد التأكد.
إزاي بنختار مين يتحط هنا؟
- لازم يكون له منصة أو قناة رسمية باسمه — موقع أو قناة يوتيوب أو حساب رسمي. مش بننشر أسماء من غير مصدر رسمي.
- بنفتح كل لينك ونتأكد إنه شغال قبل ما ننشره.
- مش بننشر أسعار. الأسعار بتتغيّر وبتختلف من مجموعة لمجموعة، وصاحبها هو اللي يعلنها. ادخل على صفحته الرسمية واسأل.
- مش بننشر عناوين سناتر إلا لو معلنة على الصفحة الرسمية للمدرّس نفسه.
قبل ما تختار: اتأكد إنه بيشرح منهجك انت
دي أهم نقطة السنة دي. مناهج البكالوريا جديدة، وكتير من المحتوى الموجود لسه متعمل على الثانوية العامة القديمة.
افتح كتاب الوزارة بتاعك، وشوف رقم الدرس واسمه، وقارنه بعنوان الفيديو. لو مش مطابق — ده محتوى قديم. التفاصيل والاختبارات التلاتة هنا.
مدرّس أو صاحب سنتر أو منصة؟
ابعتلنا من صفحة اتصل بنا ومعاك:
- الاسم والمادة والمحافظة
- لينك القناة أو المنصة أو الصفحة الرسمية
- بتشرح لأنهي نظام: ثانوية عامة ولا بكالوريا ولا الاتنين
- لو بكالوريا: أنهي دروس من المنهج الجديد غطّيتها فعلًا
وتقدر تطلب تعديل أو حذف بياناتك في أي وقت، ومش هنسألك ليه.
تنويه
وجود أي اسم هنا مش توصية ولا إعلان ولا شراكة. مفيش أي مقابل مادي على الإدراج في الصفحة دي. ومسؤولية اختيار المدرّس والاتفاق معاه على الطالب وولي الأمر.