كتب الوزارة بكالوريا 2027 — المكتبة الالكترونية

كل كتب الوزارة لطلاب البكالوريا المصرية — الصف الثاني الثانوي — في صفحة واحدة، بالعربي وبالإنجليزي، مع حجم كل ملف ورابط تحميل مباشر.

بتدور على المنهج نفسه مش الكتاب؟ فهرس مناهج البكالوريا المصرية فيه كل مادة بعدد دروسها وصفحاتها.

الكتب دي منشورة رسميًا على المكتبة الالكترونية لوزارة التربية والتعليم والتعليم الفني، وإحنا بنربط بالملف الرسمي على سيرفر الوزارة مباشرة — مش نسخة منقولة ولا معدّلة.

إيه هي المكتبة الالكترونية لوزارة التربية والتعليم؟

المكتبه الالكترونيه هي البوابة الرسمية اللي وزارة التربية والتعليم والتعليم الفني بتنشر عليها كتب المناهج بصيغة PDF مجانًا. موقعها الرسمي: ellibrary.moe.gov.eg.

الوزارة حذّرت الطلاب وأولياء الأمور من النسخ المتداولة غير الرسمية اللي بتتنشر على مواقع وجروبات، وأكدت إن المصدر المعتمد الوحيد هو المكتبة الإلكترونية.

كتب البكالوريا 2027 — الجدول الكامل

عدد الكتب المنشورة للصف الثاني الثانوي: 47 كتاب، موزّعة على المواد المشتركة ومواد التخصص في المسارات الأربعة. معظم المواد ليها نسختين — عربي وإنجليزي — بنفس المنهج ونفس ترقيم الدروس.

المواد المشتركة — كل المسارات

مسار الطب وعلوم الحياة

مسار الهندسة وعلوم الحاسب

مسار الأعمال

مسار الآداب والفنون

ليه في تلات كتب مكتوب عليها «لسه مانزلش»؟

لأنها فعلًا مش موجودة. صفحات المواد على موقع الوزارة بتعرض الكتب دي، لكن الروابط بتوديّ لملفات مش مرفوعة على السيرفر:

• الرياضيات — الجزء الثاني (عربي)
• اللغة الأسبانية — الجزء الثاني
• اللغة الإيطالية — الجزء الثاني

جرّبنا الروابط الرسمية وكل الصيغ المحتملة لأسماء الملفات، والنتيجة 404. بنراجعها بشكل دوري وأول ما تنزل هنحدّث الجدول.

ليه بنقول كده أصلًا؟ عشان تعرف إن المشكلة مش في النت بتاعك ولا في الموقع — الملف نفسه لسه مارفعش. المواقع التانية بتسيبك تضغط على رابط مكسور.

الملفات كبيرة — أعمل إيه؟

كتب الوزارة ملفات PDF كبيرة نسبيًا، وبعضها بيوصل لأكتر من 50 ميجابايت. نصايح عملية:

• حمّل على واي فاي مش على باقة الموبايل، خصوصًا الكتب الكبيرة.
• حمّل مادة مادة مش كله مرة واحدة.
• حجم كل ملف مكتوب في صفحته عندنا قبل ما تضغط تحميل — عشان تعرف انت داخل على إيه.
• لو التحميل وقف في النص، ابدأ من الأول — الملفات الكبيرة بتتقطع على الشبكات الضعيفة.

الكتاب بالعربي والإنجليزي — أنهي واحد آخد؟

خد النسخة اللي بتدرس بيها في مدرستك. لو مدرسة لغات، خد الإنجليزي؛ لو عربي، خد العربي.

النسختين نفس المنهج بالظبط ونفس ترقيم الدروس — الدرس 1-1 في النسخة العربية هو نفسه 1-1 في الإنجليزية. الفرق في لغة الشرح والمصطلحات بس. وفي حالات كتير بيبقى مفيد إنك تنزّل الاتنين عشان تعرف المصطلح بالعربي والإنجليزي — ده بيفرق في الامتحان وفي الجامعة بعدين.

فين مناهج البكالوريا المصرية مشروحة؟

الكتاب حاجة والمنهج مرتّب حاجة تانية. جهّزنا صفحات بتفصّل كل فصل وكل درس ورقم صفحته:

• منهج الكيمياء — 52 درس في 4 فصول
• منهج البرمجة والذكاء الاصطناعي — 23 درس في 7 فصول

وبنضيف باقي المواد تباعًا.

كتب الصف الثالث نزلت؟

لسه لأ. المنشور حاليًا على المكتبة الإلكترونية هو كتب الصف الثاني الثانوي فقط. بنتابع الموقع الرسمي أسبوعيًا وأول ما كتب تالتة بكالوريا تنزل هنضيفها هنا.

روابط مهمة

• المكتبة الإلكترونية — صفحة البكالوريا المصرية
• موقع وزارة التربية والتعليم والتعليم الفني
• دليل اختيار المسار
• حاسبة المجموع من 600

تنويه

الموقع ده مستقل وغير تابع لوزارة التربية والتعليم والتعليم الفني. كل روابط التحميل هنا بتوجّه للملفات الرسمية على سيرفر الوزارة مباشرة، ومش بنرفع نسخ عندنا ولا بننشر كتب خارجية مملوكة لناشرين.